Pozitiv, şən və gülərüz insanlar hamıya xoş gəlir. Onlarla hamı dost olmaq, ünsiyət qurmaq istəyir. Pozitiv və uyğun olaraq xoşbəxt olmağın yolları nədir?
İnsanları əsasən daha az gülərkən və daha çox fikirli olarkən müşahidə edirik. Ola bilsin ki onlar həyatlarından narazıdırlar və problemləri çoxdur.Fikir versəz əslində görərsiz ki ətrafınızdakı qaşqabaq insanların sayı necə çoxdur.
Pozitiv olmaq– çətinliklərə gülərək mübarizə aparmaq deməkdir. Siz fikir vermisiniz ki, pozitiv insanlar hər kəsin xoşuna gəlir? Onlarla hamı deyib gülmək istəyir, yığıncaqların ürəyi də məhz onlar olur. Lakin digər insanlar da var və onlar çoxluq təşkil edirlər. Onlar narazı üzlərlə gəzirlər, gülmürlər və daim kədərlidirlər. Əgər siz özünüzü burada tapdınız isə bu heç də yaxşı əlamət deyil. Pozitiv insanlar hər kəsnən daha rahat ünsiyyət qura bilir və həyatda daha çox uğur qazanırlar.
Aşağıda yazılanları diqqətlə oxuyun:
Neqativdə pozitiv
Neqativ fikirləşmək hamı bacarır, lakin neqativdə pozitivi təklər tapa bilir. İtkidə və uğursuzluqlarda müsbət tərəfləri görməyi bacarın. İşdən çıxarılma – yeni sahələrdə özünüzü sınamaq fürsəti. Münasibətlərin dağılması – daha yaxşı qadın ilə münasibət qurmaq imkanıdır. Praktika göstərir ki, bir çox xoş olmayan hallar yaxşılığa doğru olur. Güclü və pozitiv insanlar həmişə müsbət tərəfləri tapa bilirlər. Zəiflər isə bu vəziyyətlərin yükü altından əzilirlər. Pozitiv olun
Pis əhval-ruhiyyədən qurtulmaq
Kədər, fikir və problemlərdən necə qurtulmaq olar? Alimlər idmanla məşğul olmağı məsləhət bilirlər. Zamanınızı trenajor zalında və ya ev şəraitində idman edərək keçirin. Bir an bütün neqativ əhvalın itdiyini hiss edəcəksiniz. Bir çox kişi və qadınlar bundan sevgidə uğursuzluq yaşadıqları zaman istifadə edirlər. Bu pozitiv olmağa kömək edir.
Tənqidi düzgün qəbul edin
Tənqid əhvalınızı korlamamalıdır. Əgər tənqid məhsuldardırsa bu zaman o, inkişaf üçün məsləhət kimi qəbul olunmalıdır. Bu həyatda daha uğurlu olmağa və inkişaf etməyə səbəbdir. Lakin neqativ tənqid də olur. Əgər əminsiniz isə bu sadəcə paxıllıqdır, niyə kefinizi pozursunuz? Tənqidi düzgün qəbul edin!
Ara verin
Gecənin xeyirindənsə səhərin şəri yaxşıdır! Əgər neqativ və problemlər üzərinizə gəlirsə fasilə verin. Özünüzü dəmir və sınmaz mexanizm hesab etməyin mənası yoxdur. Bərpa olunmaq üçün fasilə lazımdır. Çox vaxt insana sadəcə qısa fasilə lazımdır ki, bütün neqativlərdən azad olsun və pozitivə qayıtsın.
Mənfidən uzaqlaşın
Əgər işlər pis gedirsə – onlarla getməyin! Bəzən həyatınızı yalnız korlayan şeylərdən uzaqlaşmaq olar. Bu sizə sadəcə ağırlıq və kədər gətirən münasibətləri kəsməkdir. Sevmədiyiniz işdən getməkdir. İstəmədiyiniz insanlarla ünsiyət qurmaqdan qaçmaqdır. Kiçik və sizə dar gələn kəndi paytaxta dəyişməkdir. Neqativdən uzaq olun və ətrafda hər şey sizə pozitiv görsənəcək.
Müsbətə köklənin
Əgər çətin anlar yaşamağa başlamısınızsa və problemlər qara duman kimi başınızın üstünə yığışırsa, özünüzü inandırmaq metoduna keçin. Özünüzə aid bütün müsbətləri yadınıza salın: uğurlarınız, naliyyətləriniz, tərifləri. Əgər yaxşı fikir versəniz işlər bir o qədər də pis deyil. Özünə inam uğurun açarıdır. Gülün və özünüzü ruhdan salmayın. Siz pozitiv insansınız!