Ağlınızı və çalışma şəraitinizi qarışıqlıqlardan xilas edin, qarışıqlıqlar sizi yavaşladar.
Bu yazımızda məhsuldarlığımıza təsir edən vacib məsələlərdən birinə - qarışıqlığa toxunmaq istəyirik. Burada qarışıqlıqdan nəzərdə tutduğum sadəcə tapa bilmədiyiniz bir kağız və ya davamlı olaraq qarışdırdığınız çəkməcəniz və ya bundan sonra nə edəcəyinizə qərar verərkən yaşadığınız çətinlik deyil. Həyatınızdakı qarışıqlıqlar; ediləcək çox işinizin olmasından, olmaması lazım olan yerlərdə olan əşyalarınıza qədər müxtəlif formalarda yarana bilər.
Uğursuzluq fikir dağınıqlığı və tarazlıqda qeyri-obyektivlik halıdır.
İş həyatında çox daha uğurlu olması lazım olarkən qarışıq çalışma vərdişləri səbəbilə layiq olduqları yerə çata bilməyən bir çox insan tanıdım. Bu vəziyyət özümə bu sualı verməyimə yol açdı: Nizamlılıq bəzi insanlara genetik bir hədiyyə, yoxsa ekoloji amildirmi? Yəni sonradanmı əldə edilir?
Dağınıq olmalarını şüurlu davranış kimi göstərən insanlar tanıdım. Hətta birisi dağınıqlığını yaradıcılığına bağlayırdı. Dağınıq insanların anadangəlmə yaradıcıdırlar kimi bir fikirləri vardır.
Həqiqəti söyləmək lazım gələrsə, təşkilatçılıq qabiliyyəti nə tamamilə genetik, nə də ekolojidir. Sonradan bir az səy və təhsillə öyrənilən bir intizamdır.
Nizamlı olmaq zaman ərzində eyni ata minməyi öyrənmək kimi tədricən öyrənilən bir bacarıqdır, bir davranış və vərdişlər toplusudur. Çox nizamsız birinin yardımla və uyğun bir təhsillə mütəşəkkil ola biləcəyinə inanıram, ancaq bu siqareti buraxmaq kimi çətin bir prosesdir və bunun üçün iradə lazımdır.
Ətrafınızdakı və zehninizdəki qarışıqlıqdan xilas olduğunuz təqdirdə həyatınız və vaxtınız üzərində daha çox nəzarət imkanına qovuşar və həyatınızda xaosa daha az yer verərsiniz, daha məhsuldar olarsınız, stress səviyyəniz düşər və daha az pul, vaxt istehlak edərsiniz. Beləliklə, görmək istədiyiniz şeyləri görmək üçün həyatınız içində boşluqlar yarada bilərsiniz.
Sizə zəmanət edəcəyim mesaj budur: Nizamlı olmaq, dağınıq yaşamaqdan daha asandır!
Korrektə etdi: Hürü Mustafayeva