Dostluq həyatın ən gözəl anlamıdır. Onu qorumaq üçün sidq ürəkdən çalışmaq lazımdır. Bunun üçün ən birinci dostlarınızla yaxşı münasibət qurmağa çalışın.
Ehtiyac həmişə yaxşı dostlara düşməz, elə vaxt gələ bilər ki, pis dostlara da adamın işi düşə bilər. Hərçənd yaxşıların yanına getmək pislərin yanında hörmətini azaltdığı kimi, pislərin yanına getmək də yaxşıların yanında hörmətini azaldar.
Dostlarınızın çoxluğuna ümid edib arxayınlaşmayın…Min dostunuz olsa belə, heç kəs sizə özünüzdən artıq dost ola bilməz.Düşməninizi düşmən hesab etməyəni dost bilməyin, elə adam tanış adlanar, dost sayılmaz.
Kinli adamlarla dostluq etməyin, kinli adamın ürəyi həmişə kinlə dolu olar.Yalnız yaxşı insanlarla dostluq edin.Tək olmaq isə pislə oturmaqdan yaxşıdır.
Dostluq fədakarlıq deməkdir. Özünə belə etiraf edə bilmədiyin sirrini, yaşadığın hər anı bilən,sənə mənəvi dayaq olan, kədərli anında belə üzünü bir anlığa da olsa güldürə biləndir dost.
Həyatda hər kəsə güvən olmaz.Dost elə bir şeydir ki, ona gözü bağlı güvənməlisən.Ancaq bunun üçün zaman da çox vacibdir.
Bəzən dostluqlar adi bir səbəbdən bitə bilir. Bəzən qürurdan, bəzən də iki tərəfdən birinin tək bir kəlmə sözündən. Ancaq unutmayaq ki,nöqsansız dost axtaran dostsuz qalar.
Həyatda bəzi anlar vardır ki, o anlarda dost və düşmənini tanıya bilirsən.Dost dar gündə tanınar deyiblər.Bəli insanın dar günündə çox az adam yanında olur.Bəlkə də elə çox insan dar gündə tanınır.
Dost sarğı kimidir. Yapışdırarkən yaranı sarar amma çıxararkən canını yandırıb yaxar…