Uğur yolunda təyin etdiyiniz hədəfləri reallaşdırmağınız və qarşınıza çıxacaq maneələr qarşısında tab gətirə bilməyiniz üçün iradəli olmaq lazımdır . Araşdırmalara görə, iradəli olan insanların təhsil həyatı daha güclü olur və onlar məktəb və universitet həyatında daha yüksək nailiyyət göstərirlər.
Əgər siz hal-hazırda özünüzdə iradə olmadığını hiss edirsinizsə və yaxud iradəli olmadığınız düşünürsünüzsə bunun üçün narahat olmaq lazım deyil.Elə bu andan başlayaraq özünüzü dəyişə bilərsiniz.Ən birinci düşüncələrinizi dəyişdirməyə başlasanız pis olmaz.Çünki həyatımızı təyin edən də məhz düşüncələrimizdir.Düçüncələriniz nəysə həyatınızda da odur, unutmayın.
Çalışmaq, əzm göstərmək, plan qurmaq, davamlılıq və yaxşı düşünülmüş taktikalar insana uğur qazandıran vacib faktorlardır. Bunları bilməyiniz sizə həm özünüzə həm də məqsədlərinizi daha düzgün təyin etməyinizə kömək edəcəkdir.Həmçinin iradəli olmağınız üçün də istiqamət verəcəkdir...