Xarakterə görə Peşə Seçimi

0
4415
Xarakterə görə  Peşə Seçimi

İnsanın özünü tanıması, zəif və güclü tərəflərini bilməsi onun istəklərinin, arzularının formalaşmasında xüsusi rol oynayır. Öz gücünə bələd olan insan eyni zamanda hansı peşənin ona daha uyğun olduğunu müəyyənləşdirə bilir. Mütəxəssislərin sözlərinə görə, peşə seçimi insanların xarakterindən aslı olaraq da dəyişə bilir. Bu mövzuda aparılan araşdırmalar nəticəsində məlum olub ki, xaraktercə sakit insanlar daha çox ünsiyyət bacarığı tələb edən işlərdə, aktiv həyat tərzini sevən insanlar isə passiv iş şəraitində özlərini narahat hiss edirlər. Nəticədə isə tez zamanda bu sahədəki karyeralarını yekunlaşdırır və yeni iş axtarışına başlayırlar. Siz də peşə seçimində bu cür problemlərlə qarşılaşmaq istəmirsinizsə, xarakterinizə uyğun olan peşələri seçməyə çalışın. İndi isə hansı xarakterdə olan insanlara hansı peşələrin daha uyğun olduğuna diqqət yetirək.

Özünə qapalı insanlar daha çox proqram mütəxəssisi, mühasibatçı, aşbaz və bu kimi ünsiyətçilik qabiliyyəti tələb etməyən peşələrdə özlərini sınamalıdırlar.

Ünsiyyətçiliyi ilə seçilən insanlara isə pr meneceri, satış mütəxəssisi, insan qaynaqları ilə iş, jurnalist, turizm üzrə mütəxəssis və s. peşələr üzrə ixtisaslaşmaq tövsiyə edilir.
 
Eyni zamanda qayda-qanunlarla yaşamağı sevən insanlara bank işçisi, vəkil, mühasib, mühəndis kimi;
 
İnsanlara qarşı humanistliyi, fədakarlığı ilə seçilən şəxslərə müəllim, həkim tibb bacısı kimi;
 
Yeniliyi sevən insanlara reklam mütəxəssisi, memar, qrafik tərtibatçı kimi;
 
Xüsusi qabiliyyəti olan, yaradıcılığı sevən insanlara isə aşbaz, reklamçı, yazar kimi peşələrdə ixtisaslaşmaq tövsiyə olunur.
 

ŞƏRH YAZIN