Dəyərli Olmaq

0
3644
Dəyərli Olmaq

İlk öncə çox dəyərli və özəl olduğunuzu bilin.Birinin sizi sevməyi  üçün ona çox şey vermək məcburiyyətində deyilsiz. Birinin sizi sevməsi üçün özünüzü ona sevdirməyə  çalışmayın. 
 
Sevgi içdən gələn sonsuz bir güc və istəklə doludur. Bəm-bərk bağlanmaq sevgini zəiflədir.Biri sənindirsə onu itirməkdən qorxma.Qorxu,güvənsizlik üstünə qurulan münasibətlər bir gün bitir və tükənir. Gözəl anlar  yaşamaq adına normal,hüzurlu keçən günlərini zəhər  etmə.Düşündüyün şeylər,nə zamansa yaşadığın şeylər olur. Həyata  açılan bir çox pəncərə var. Sən hansından baxacaqsansa  qərar ver.İnsanı  ən çox bezdirən  şey də davamlı olaraq qərarsız qalmaqdır.
 
Gözlədiyin insan gəlmirsə, sənə özəl anlar  yaratmırsa  bu  kifayət qədər istəmədiyini göstərir.İnsan istədikcə eləməyəcəyi bir şey yoxdur .Ancaq unutma ki möcüzələr yalnız sən istəyərsənsə sənə tərəf  gələr.
 
Bir fikirləş  indiyə kimi iş , sevgi və ətraf ilə olan münasibətlərdə eyni problemləri  niyə yaşadın ?Niyə həmişə eyni insanlar qarşına çıxır? Ətrafına yaydığın enerji  necə idi?  Beyin altında  hansı  hiss  səni  bu tərz  bir birinin  eynisi şeylər yaşamağına səbəb oldu ? Səndə əskik ya da çox  olan nə idi? İndi  keç və üzləş  özünlə.Get  keçmişə  tərəf  nə etdin illər əvvəl ?Atan məsələn;Sevər,dəstəkləyərdimi səni? Anan  necə izlər buraxdı  ürəyində ? Dəcəlliklərinin cəzasını hansı bədəllər ödəyərək keçirdin? Bəlkədə  utancaq, qorxaq biri idin bəs niyə deyə soruşdunmu özündən? 
 
Bəlkə də birinin bir sözü,bir hərəkətiylə dəyərsiz hiss etdin özünü.İlk sevgi təcrübənizdə nələr yaşadın? Sevən,dəyər verən tərəfmi  oldun?Harada idi əksiklik ruhunun dərinliklərinə yazılan? 
 
Birilərini sevgi ilə  boğdunmu ? Yoxsa  boğulan tərəfmi oldun ?  Niyə birisi  boğar, birisi boğular , heç düşündünmü ?  
Bir insanın bütün gözəlliklərini  kəşf etmədən,sadəcə əldə etdiyini fikirləşdiyində ondan qaçdınmı?Yoxsa budur xəyallarımın adamı deyib  dəmir atdın limana?Sənin işin  hazır  təzə bir yola təzə bir  ürəyə  girmək  üçün növbə başqa birinəmi gəldi ? Dedin .
 
Yaxşı,dur və sakit ol.Dərin- dərin  nəfəs al.Hər şeyin günahkarı sən deyilsən.Bəlkədə daha balaca bir uşaq ikən  biriləri sənin qəlbini qırmağa çalışdı.Kasıblıq ,qayğısızlıq ucbatından həmişə arxa plana keçməyin  dərdini çəkdin bəlkədə. Ya da bir oğlan uşağısansa  anan səni heç öpüb  qucaqlamadı  heç  ondan  istədiyin sevgini  görmədin. Atan hər dəfə tənqid etdi səni "Bu uşaq adam olmaz -deyə  qışqıraraq üzünə bir şillə vurdu bəlkədə.
 
Bir qız övladısansa  bəlkə  bir gün  atan  tərk edib getdi evi . İlk sevginə  tərəf  qaçdın .Ona əlindəki sevgini uzatdın və o yenə də getdi arxasına baxmadan.Bilməzdin ki,illər sonra yaşadığın hər sevgidə  həmişə bu səbəbdən  dəyər verib ,o insanın gedəcək qorxusuyla yaşayacaqdın.
 
Ya da anan ilk oğlan  dostundan gələn  məktubu  üzünə atıb  "Mən səni  məktəbə  oxumağa göndərirəm ,bu cür hərəkətlərə görə deyil  "dedi . Sonra  hər şeydən imtina etdin,artıq görünüşünündə gözəl olmasının heç bir əhəmiyyəti yoxuydu.Bundan sonra özünü yeməyə verdin. Və artıq çəkilərini tam da o zaman almış oldun .İndi  bəlkədə  o səbəblə  güzgülərlə baxa bilmirsən . Şokolad ,  tort  və yaxud başqa bir şey  içindəki  boş olan  sevgi hislərini , o heç dolmayan  boşluğu doldurmaq, özünü  xoşbəxt etmək  üçün idi .
 
İndi silkələn və özünə gəl . Həyat  sənə  yeni bir şans verir.Gülümsəməyə çalış. Keçmişdəki yaralarını sevginlə bağla.Təbiətin şəfa dolu  əllərindən,Uca Tanrıdan kömək istə .Özünü hər halınla sev, dəyər ver, gül, şanslısan  çünki fərqindəsən hər şeyin və dərk edirsən artıq həyatı.
 

ŞƏRH YAZIN